ARTSAKH

ՙՀայ կամավորականների համախմբում՚ կազմակերպության ղեկավար Ժիրայր Սեֆիլյանն ու նրա համախոհներն առաջիկա օրերին հանդես են գալու մի նոր նախաձեռնությամբ, որի իմաստը հայ հանրությանը ՙազատագրված տարածքների վերադարձման անթույլատրելիությունը բացատրելն է՚: Սեֆիլյանի բնորոշմամբ` Ղարաբաղի առջեւ ծառացած ներկայիս վտանգը աննախադեպ է:

Նախաձեռնության հեղինակները կփորձեն հանրությանը ապացուցել, որ այդ կերպ (առանց ազատագրված տարածքները վերադարձնելու) Ղարաբաղի հարցի կարգավորումն ամենեւին էլ անհնար չէ, եւ դրա համար նրանք կներկայացնեն բոլոր անհրաժեշտ պատմաքաղաքական եւ իրավական հիմնավորումները:

Առայժմ չմանրամասնելով այս մտադրության նրբերանգները` Ժիրայր Սեֆիլյանը այսօր հրավիրած ասուլիսում նշեց, որ դրա հիմքում ընկած է միացման գաղափարը:

ՙՄենք եկող օրերին պատրաստվում ենք քաղաքական, իրավական, միջազգային տրամաբանության սահմաններում առաջարկություն-տարբերակ ներկայացնել ե’ւ մեր հանրությանը, ե’ւ բոլորին՚, - հայտարարեց նա` կրկնելով, թե ՙդրա գլխավոր իմաստը միացումն է լինելու՚:

Ղարաբաղի առջեւ ծառացած աննախադեպ վտանգը առավել մտահոգիչ է դառնում ՙՀայաստանի պարտադրված իշխանությունների ապիկարության, անզորության ֆոնին՚:

Այդուհանդերձ, Սեֆիլյանը ամենեւին էլ չի կարծում, թե ամեն ինչ կորած է. - ՙԱյնպես չեմ գնահատում, որ վերջ, կործանվում ենք: Ոչ, այդպես չէ՚:

Նրա համոզմամբ, այսօր Սերժ Սարգսյանի սեղանին դրված կարգավորման պլանին միահամուռ ոչ ասելով, խնդիրն, անշուշտ, չի լուծվի. հարկ է, որ դրանից հետո կատարվի հաջորդ քայլը` ընտրվի երկրի օրինական նախագահ:

Ժիրայր Սեֆիլյանն ընդգծում է, որ բարեհաջող կարգավորում ակնկալելու համար պետք է, որ Սերժ Սարգսյանը հեռանա: Ընդ որում` ոչ միայն նա, այլեւ ՙառաջին հերթին՚` Ռոբերտ Քոչարյանը. - ՙԱյսինքն` պահը եկել է այս զույգի էջը փակելու՚:


Տիգրան Ավետիսյան
29/10/2008
Radio Free Europe / Radio Liberty © 2008. RFE/RL, Inc. All Rights Reserved. http://www.rferl.org

Barev,

pourrions nous avoir le lien en englais direct svp ?

Shat Shnorhagalem !

http://rutube.ru/tracks/1148803.html?v=436878d0db1e966038878ed2fbcba700

L'information est seulement en arménien.