Nombre de messages : 755 Date d'inscription : 25/09/2007
Sujet: MIATSUM Sam 25 Avr - 12:06
22.04.2009 «Միացում» նախաձեռնության հերթական բողոքի ցույցը Հասմիկ Սմբատյան «Միացում» ազգային նախաձեռնությունը չորեքշաբթի օրը բողոքի ցույց էր կազմակերպել Հայաստանի արտգործնախարարության շենքի մոտ` ընդդեմ արտաքին քաղաքականության հարցում «հակահայկական զարգացումների»: Բողոքի ակցիայի մասնակիցները վարկարկում էին՝ «Հող հանձնողը դավաճան է», «Արցախ, Հայաստան, միացում» եւ պարզել էին նույնաբովանդակ պաստառներ: «Հավաքվել ենք, որ հերթական անգամ ասենք արտգործնախարարության պաշտոնյաներին եւ հատկապես Մինսկի խմբի օտարեկրյա դիվանագետներին, որ Հայաստանում կան մարդիկ, ովքեր ամեն ինչ կանեն, որ թույլ չտան հակահայկական զարգացումներ», - «Ազատություն» ռադիոկայանին ասաց նախաձեռնության անդամ, ռեժիսոր Տիգրան Խզմալյանը՝ պնդելով, թե հասարակության շրջանում խորը անվստահություն կա իշխանությունների եւ հատկապես նրանց վարած արտաքին քաղաքականության նկատմամբ: «Ապազգային մոտեցումները, սակարկումները, դիլետանտական մոտեցումները, այս ամենը մեզ մտահոգում է, որովհետեւ, մեզ թվում է, ժողովուրդը լավ չի պատկերացնում այն վտանգը, հատկապես ազատագրված տարածքների համար, որը կախված է մեր գլխին ամիսներ շարունակ», - հավելեց նա: «Միացում» ազգային նախաձեռնությունը գտնում է, որ Հայաստանի «ներկայիս իշխանությունները շարունակում են վարել Հայաստանի եւ Լեռնային Ղարաբաղի ազգային անվտանգության համակարգի հիմնասյուները խարխլող եւ Հայոց պետականության շահերին տրամագծորեն հակասող անհեռանկար քաղաքականություն»։ Նախաձեռնության անդամ Ժիրայր Սեֆիլյանի խոսքով` վտանգը «շարունակվում է հիմնականում հայկական կողմի խիստ պարտվողական կեցվածքի պատճառով»։ «Ամեն անգամ, երբ բանակցություններ ենք սկսում, մենք փոխանակ առաջընթաց վիճակով սկսենք այդ բանակցությունները, ճիշտ հակառակն է տեղի ունենում», - «Ազատություն» ռադիոկայանին ասաց Սեֆիլյանը: - «Տեղի է ունենում մի քանի հետքայլ,
tseghakron
Nombre de messages : 755 Date d'inscription : 25/09/2007
Sujet: Re: MIATSUM Sam 25 Avr - 12:06
եւ հաջորդ անգամվա բանակցային ընթացքի ելման կետը լինում է հետընթաց վիճակում: Այսինքն՝ այսօր հայերը բանակցության սեղանին են նստում՝ այլեւս զիջելու ոչ մի բան չունենալով, որովհետեւ ամեն ինչ զիջելու իրենց պատրաստակամությունը արդեն հայտնել են»: «Միացում» ազգային նախաձեռնությունը բազմիցս նամակներով դիմել է արտաքին գերատեսչական մարմին` պահանջելով հանդիպում արտգործնախարարի հետ` ազատագրված տարածքը հանձնելու ոտնձգությունների քաղաքական եւ քրեաիրավական հետեւանքների եւ արցախյան հարցի կարգավորման շուրջ ընթացող բանակցություններում իրավապաշտպան դիրքորոշումների որդեգրման անհրաժեշտության վերաբերյալ արտգործնախարարին իրազեկելու նպատակով։ Սակայն ստացել են պատասխան, թե արտգործնախարար Էդվարդ Նալբանդյանը գերզվաղված է, փոխարենը առաջարկել են հանդիպում արտգործնախարարության այլ բարձրաստիճան աշխատակիցների հետ, մինչդեռ նախաձեռնության անդամները ցանկանում են հանդիպել միայն անձամբ արտգործնախարարին։ «Միացում» նախաձեռնությունը իր վերջին նամակում դատապարտում է արտգործնախարար Նալբանդյանի խուսափողական կեցվածքը։ «Այս հավաքը կանխարգելիչ եւ նախազգուշական բնույթ ունի։ Պիկետները շարունակվելու են այնքան ժամանակ, քանի դեռ մեզ չի համաձայնում ընդունել ինքը` արտգործնախարարը», - «Ազատություն» ռադիոկայանին փոխանցեց Ժիրայր Սեֆիլյանը։ -------------------------------------------------------------------------------- «Ազատ Եվրոպա/Ազատություն» ռադիոկայան 2009
Nombre de messages : 755 Date d'inscription : 25/09/2007
Sujet: Re: MIATSUM Sam 25 Avr - 12:08
Karin
Nombre de messages : 2663 Date d'inscription : 03/04/2007
Sujet: Re: MIATSUM Mar 19 Mai - 22:28
ԿՈՉ ՀԱՅԱՍՏԱՆ ՀԻՄՆԱԴՐԱՄԻ ՀՈԳԱԲԱՐՁՈՒՆԵՐԻ ԽՈՐՀՐԴԻ ԱՆԴԱՄՆԵՐԻՆ “Հայաստան” համահայկական հիմնադրամը կարևորելով պատմական Արցախի մայրաքաղաք Շուշին հայության համար հոգևոր, պատմամշակութային և կրթական կենտրոն դարձնելու անհրաժեշտությունը, պատրաստվում է այսուհետ նյութական մեծ ներդրումներ կատարել նշված խնդիրը լուծելու համար:
20-րդ դարավերջին, 1992թ. մայիսի 8-ին Շուշին հայ ազգի համար դարձավ նաև ռազմական մտքի, հայ զինվորի անօրինակ քաջության և հաղթելու աննկուն կամքի խորհրդանիշ:
Շուշիի ազատագրումը հնարավորություն ընձեռեց Արցախին փաստացի միանալու Մայր Հայրենիքին:
Շուշիի ազատագրմանը իր մասնակցությունը ունեցավ նաև Ժիրայր Սեֆիլյանի հրամանատարությամբ ստորաբաժանումը, որը այնուհետև հայտնի դարձավ որպես Շուշիի առանձնակի գումարտակ:
ՙՄարտական խաչ՚ 1-ին աստիճանի շքանշանի ասպետ Ժիրայր Սեֆիլյանը, ում ապրած կյանքը, կատարած գործերը կարող են լավագույն օրինակ ծառայել հայ երիտասարդությանը հայրենասիրությամբ դաստիարակելու գործում և պատիվ կբերեն ցանկացած ազգի ունենալ այդպիսի զավակ, առ այսօր չի արժանանում Հայաստանի Հանրապետության քաղաքացի դառնալու պատվին:
Դիմում ենք Ձեզ, ակնկալելով Ձեր օժանդակությունը և միջնորդությունը ՀՀ Նախագահին, Ժիրայր Սիմոնի Սեֆիլյանին քաղաքացիություն շնորհելու գործում:
“Ժիրայր Սեֆիլյանի քաղաքացիության իրավունքի պաշտպանության կոմիտե” Համակարգող Աղավնի Սահակյան 19.05.09. թ. Երևան
Nombre de messages : 755 Date d'inscription : 25/09/2007
Sujet: Re: MIATSUM Ven 25 Sep - 20:02
«Արցախ-Հայաստան. միացում» 25/09/2009
ՀՀ-ում ԱՄՆ-ի, ՌԴ-ի եւ Ֆրանսիայի դեսպանությունների մուտքերի առաջ այսօր ժամը 15.30-ից ՀՀ ոստիկանության ներկայացուցիչները շղթա էին կազմել:
Հայ-թուրքական հարաբերությունների, ինչպես նաեւ ԼՂ հարցում իշխանությունների դեմ ուղղված «Միացում» ազգային նախաձեռնության հերթական ակցիան ԵԱՀԿ Մինսկի խմբի համանախագահող երկրների դեսպանությունների մոտ էր: «Միացման» անդամները Մյասնիկյանի արձանի մոտից երթով այսօր նույնաբովանդակ նամակներ հանձնեցին բոլոր 3 դեսպանություններին:
«ԵԱՀԿ Մինսկի խմբի համանախագահող երկրներին' Հայ ժողովրդի դեմ նոր ցեղասպանություն հրահրելու վերաբերյալ» վերնագրված նամակում նշված է, որ Մադրիդյան սկզբունքները հակասում են Հայոց պետականության գոյատեւմանը. «Մադրիդյան սկզբունքներին եւ հայ-թուրքական արձանագրությունների կեղծ հաշտեցմանը հավանություն արտահայտած ԱՄՆ նախագահ Բարակ Օբաման, ՌԴ նախագահ Դիմիտրի Մեդվեդեւը եւ Ֆրանսիայի նախագահ Նիկոլա Սարկոզին վարում են հայ ժողովրդի հերթական ցեղասպանություն հրահրելու եւ հայ պետականությունը կործանելու փոխհամաձայնեցված քաղաքականություն»:
Dernière édition par tseghakron le Ven 25 Sep - 20:03, édité 2 fois
tseghakron
Nombre de messages : 755 Date d'inscription : 25/09/2007
Sujet: Re: MIATSUM Ven 25 Sep - 20:02
Ֆրանսիայի դեսպանության մոտ նամակի ընթերցումից հետո «Միացման» անդամ Տիգրան Խզմալյանն «Ա1+»-ին ասաց, որ այն նախազգուշացում է դեսպանություններին եւ միաժամանակ կոչ մեր ժողովրդին:
«Մենք արթնացնելու ենք այս երկիրը: Այն ինչ իրենք նախատեսել են, այն ինչ համար հովանավորվում են Սերժ Սարգսյանին չի ստացվելու: Մենք ցավում ենք, որ ՀՀ նախագահը այդքան ենթակա է արտաքին ճնշումներին: ՀՀ նախագահը պետք է ենթակա լինի միայն իր ժողովրդի ճնշմանը»,- ասաց Տիգրան Խզմալյանը:
Ոստիկանները, որոնք այսօր ուղեկցում էին բողոքի ակցիան' «Միացման» անդամներին առաջարկեցին ՌԴ դեսպանությունից ավելի կարճ ճանապարհով հասնել ԱՄՆ դեսպանութուն: Սա ՀՀ-ում բողոքի ակցիայի մասնակիցների եւ ոստիկանության թերեւս առաջին համագործակցության դեպքն էր:
«Այպիսի լավ բանը չեք գրի, չէ՞»,- «Ա1+ին» ասաց ոստիկաններից մեկը:
«Հող հանձնողը` դավաճան» «Միացման» հիմնական կարգախոսին այսօր նաեւ ավելացել էր. «Արցախ-Հայաստան միացում»:
Nombre de messages : 755 Date d'inscription : 25/09/2007
Sujet: Re: MIATSUM Ven 25 Sep - 20:05
«Միացում» Ազգային նախաձեռնության հայտարարությունը
ԵԱՀԿ «Մինսկի խմբի» համանախագահող երկրների նախագահների հայ ժողովրդի դեմ նոր ցեղասպանություն հրահրելու վերաբերյալ
Արձանագրելով արցախյան հակամարտության կարգավորման ԵԱՀԿ «Մինսկի խմբի» մշակած և համանախագահող երկրների նախագահների համատեղ հայտարարությամբ հրապարակված «Մադրիդյան սկզբունքների ակներև անհամատեղելիությունը Հայոց պետականության գոյութենական շահերին, Հաշվի առնելով, որ «Մադրիդյան» հորջորջված սկզբունքերի ամբողջական կամ մասնակի իրագործումը հայ ժողովրդի և Հայաստանի Հանրապետության համար հղի է համապարփակ բնույթի կործանարար հետևանքներով, այդ թվում. - ՀՀ և ԼՂՀ պաշտպանունակության վերացմամբ,
- խաղաղ բնակչության անվտանգության միակ երաշխիք հանդիսացող ներկայիս ռազմաքաղաքական փոխհավասարակշռության համակարգի ամբողջական փլուզմամբ,
- որպես վերոնշյալ կետերի անմիջական հետևանք` ՀՀ և ԼՂՀ դեմ Թուրքիայի համակողմանի աջակցությամբ Ադրբեջանի ցեղասպանական ագրեսիայի վերսկսման անխուսափելիությամբ,
- անվտանգության բացարձակ կորստյան պայմաններում ԼՂՀ և ՀՀ զգալի հատվածի խաղաղ բնակչության շուտափույթ և անդառնալի հայաթափությամբ,
- ՀՀ քաղաքական և ռազմական համընդհանուր շրջափակման խորացմամբ:
Փաստելով, որ ՀՀ և ԼՂՀ դեմ Ադրբեջանի ռազմական ագրեսիայի կասեցման և ՀՀ միջազգային իրավունքով վերապահված տարածքների մի մասի ազատագրման շնորհիվ ձևավորված ռազմաքաղաքական փոխհավասարակշռության համակարգի միակողմանի ոչնչացման դիմաց առաջարկվող «խաղաղապահ գործողությունն» իսպառ անընդունակ է ադրբեջանաթուրքական ցեղասպանական նկրտումներից ՀՀ և ԼՂՀ պաշտպանելու,
Անհեթեթ և ապօրինի գնահատելով միջազգային բոլոր հիմնարար ակտերի հիման վրա ինքնորոշված և միջազգային իրավունքով ՀՀ վերապահված տարածքի մի մասում բնակվող ՀՀ արցախաբնակ քաղաքացիներին անորոշ «կամարտահայտությամբ» իրավազրկելու փորձերը,
tseghakron
Nombre de messages : 755 Date d'inscription : 25/09/2007
Sujet: Re: MIATSUM Ven 25 Sep - 20:05
Հաստատելով, որ ԵԱՀԿ «Մինսկի խմբի» համանախագահող երկրների նախագահների հետապնդած հայ-թուրքական «հաշտեցումը» միտված է Հայոց ցեղասպանության միջազգային ճանաչումը վիժեցնելուն և հայ ժողովրդի ցեղասպանական բնաջնջման հետևանքով ձևավորված այժմյան տարածքային ապօրինի իրողություններն իրավաբանորեն ամրագրելուն,
«Միացում» ազգային նախաձեռնությունը հայ ժողովրդի հայրենաբնակ և սփյուռքաբնակ հատվածների անունից, առաջնորդվելով տարածաշրջանում երկարատև խաղաղություն, կայունություն և միջազգային իրավունքի գերակայությունը վերականգնելու անկոտրում կամքով, փաստում է, որ «Մադրիդյան սկզբունքներին» և հայ-թուրքական կեղծ «հաշտեցմանը» պաշտոնական հավանություն արտահայտած ԱՄՆ նախագահ Բարաք Օբաման, ՌԴ նախագահ Դմիտրի Մեդվեդևը և Ֆրանսիայի նախագահ Նիկոլյա Սարկոզին վարում են հայ ժողովրդի հերթական ցեղասպանություն հրահրելու և Հայոց պետականությունը կործանելու փոխհամաձայնեցված քաղաքականություն:
«Միացում» ազգային նախաձեռնությունը զգոնության և սթափության կոչ է հղում ԱՄՆ, ՌԴ և Ֆրանսիայի նախագահներին` զերծ մնալու հայ ժողովրդի նոր ցեղասպանություն սադրելու փորձերից, հրաժարվել ընթացիկ աշխարհաքաղաքական կասկածելի օգուտները քաղելու ակնկալիքով թուրք-ադրբեջանական ցեղասպանական քաղաքականությանը սատարելու հանցավոր ոտնձգություններից և ձեռնամուխ լինել տարածաշրջանում իրական խաղաղության հաստատմանը և Հայաստանի Հանրապետության ցեղասպանությամբ ոտնահարված իրավունքների համակողմանի վերականգնմանը:
«Միացում» ազգային նախաձեռնությունն ի դեմս` Ալեք Ենիգոմուշյանի, Ժիրայր Սեֆիլյանի, Զարուհի Փոստանջյանի, Գրիզելդա Ղազարյանի, Սեդա Մելիքյանի, Տիգրան Խզմալյանի, Ալեքսանդր Քանանյանի: 25-ը սեպտեմբերի 2009թ. Երևան
http://hetq.am/am/society/miatsum-11/
tseghakron
Nombre de messages : 755 Date d'inscription : 25/09/2007
Sujet: Re: MIATSUM Ven 2 Oct - 18:55
«Գնացեք, ինքներդ ձեզ խարակիրի արեք»
Մայրաքաղաքում ոստիկանների կուտակումներից կարելի է կռահել, թե որտեղ է նախատեսված հայ-թուրքական հարաբերություններին եւ ԼՂ հիմնախնդրի գործընթացը դատապարտող «Միացում» ազգային նախաձեռնության հերթական բողոքի ակցիան:
Այսօր նախատեսված միջոցառումից մոտ մեկ ժամ առաջ ոստիկանները շրջապատել էին ՀՀ-ում ԼՂՀ ներկայացուցչությունը: Առանց վանկարկումների եւ պաստառների «Միացման» անդամներն այսօր նամակ հանձնեցին ԼՂ ներկայացուցչությանը:
«Համոզված ենք, որ Արցախում բնակվող հայությունը, նրա քաղաքական եւ ռազմական ղեկավարությունը իսկապես գնահատում են այսօր տեղի ունեցող գործընթացների ամբողջ լրջությունը եւ կդրսեւորեն համապատասխան կամք կանխելու հայակործան այն քաղաքականությունը, որը փորձում են իրականացնել գերտերությունների անմիջական պարտադրմամբ ՀՀ իշխանություններին: Միակ հաստատությունը, որն ի զորու է վիժեցնել այս դավաճանական ընթացքը, եւ անցնցում կանխել այն, դա ստեփանակերտյան անառիկ բերդն է»,- նշված է ԼՂՀ իշխանություններին ուղղված նամակում:
«Միացման» անդամ Ժիրայր Սեֆիլյանը գտնում է, որ ամենամեծ ցանկության դեպքում էլ Սերժ Սարգսյանը չի կարող կասեցնել հայ-թուրքական հարաբերությունների ոչ հայանպաստ ընթացքը:
Սեֆիլյանի կարծիքով ԼՂՀ-ում հավատում են, որ Սերժ Սարգսյանը չի ստորագրի ոչ հայանպաստ փաստաթղթերի տակ. «Եթե մոտ օրերս Ստեփանակերտում իրենց բողոքը բարձրացնեն, ապա հնարավոր կլինի այս դավաճանական գործընթացը կասեցնել առանց ցնցումների»:
Իսկ ի՞նչ հիմք ունենք ասելու, որ ԼՂՀ-ում հավատում եւ վստահում են Սերժ Սարգսյանին'«Ա1+ի» հարցին' Սեֆիլյանը պատասխանեց. «Մենք ինֆորմացիա ունենք, որ Սերժ Սարգսյանը պարբերաբար ԼՂՀ իշխանություններին վստահեցնում է, որ որեւէ փաստաթղթի տակ չի ստորագրելու, սակայն մենք նրան չենք հավատում»:
Այս իրավիճակում Սեֆիլյանը մեկ ելք է տեսնում. «Սերժ Սարգսյանն իր մեջ ուժ գտնի եւ հրաժարական տա կամ խարակիրի լինի»:
«Միացման» մյուս անդամները նախապատվություն տվեցին Սերժ Սարգսյանի «խարակիրի» լինելուն, ինչը խիստ զայրացրեց մինչ այդ ԼՂՀ ներկայացուցչության մոտ պատ կազմած ոստիկաններին առաջնորդող ՊՊԾ պետի տեղակալ Վալերի Օսիպյանին:
«Գնացեք, ինքներդ ձեզ խարակիրի արեք: Ձեզ ո՞վ է բարոյական իրավունք տվել նախագահին կամ որեւէ մեկի վիրավորել: Նենց չանեք, որ ես ձեզ կարգի հրավիրեմ' համապատասխան վայրում»,- «Միացման» անդամներին զայրացած ասաց Օսիպյանը:
Բորբոքված կանայք սկսեցին նրան բացատրել, որ «խարակիրին» հայհոյանք չէ, սակայն պարոն Օսիպյանին չհամոզեցին. «Կին եք, գնացեք ձեր տներում ճաշ եփեք, լվացք արեք, ի՞նչ եք ստեղ դեմագոգություն անում»:
Nombre de messages : 755 Date d'inscription : 25/09/2007
Sujet: Re: MIATSUM Ven 2 Oct - 19:03
Karin
Nombre de messages : 2663 Date d'inscription : 03/04/2007
Sujet: Re: MIATSUM Mar 6 Oct - 21:31
tagyhi
Nombre de messages : 2513 Date d'inscription : 06/04/2007
Sujet: Re: MIATSUM Jeu 8 Oct - 16:19
http://www.a1plus.am/en/politics/2009/10/8/miacum
Members of the "Miatsum" national initiative were burning the symbolic Turkish-Armenian protocols in front of the statue of Avetik Isahakyan today.
Passer-bys also took part in the act by taking fire from the cup on the small table. The fire was brought from Tsitsernakaberd. In addition, they signed their names under the following lines: "I am signing against the Turkish-Armenian protocols and the Madrid Principles."
Member of "Miatsum", film director Tigran Khzmalyan said that they had gathered to awaken the people.
"I think that we can compare this to Sardarapat. From the beginning of the battle of Sardarapat on May 22 until May 29, the bells of the churches in the Ararat valley chimed day and night. Unfortunately, we don't have the support from the church and that is why we have taken on the role."
There were no policemen near the statue today. The "Miatsum" national initiative will also burn the symbolic protocols in other districts as well.
viola
Nombre de messages : 502 Date d'inscription : 24/05/2007
Sujet: Re: MIATSUM Jeu 8 Oct - 20:43
Vous savez qu'est qu'ils ont annoncé sur H1? Que SS il n'a pas le temps de passer a Tsiternakaberd.... Pauvre bette
tseghakron
Nombre de messages : 755 Date d'inscription : 25/09/2007
Sujet: Re: MIATSUM Ven 9 Oct - 0:14
Մոմ վառելը հանցագործությո՞ւն
Ոստիկանության աշխատակիցներն այսօր' օրվա 2-րդ կեսին, որոշեցին այնուամենայնիվ խոչընդոտել «Միացում» նախաձեռնության կողմից անցկացվող ակցիան: Այն անցկացվում էր առավոտից Իսահակյանի արձանին մոտ:
Ավելի ուշ պարզ դարձավ, որ ոստիկաններն ուղղակի չեն իմացել, որ ակցիան անցկացնում է ոչ թե ՀՅԴ-ն, այլ «Միացում» նախաձեռնությունը: Այդ պահից սկսած' ոստիկանները սկսում անհարկի նկատողություններ անել ու հրամայել, թե ակցիայի վահանակները մայթից պետք է դուրս հանել, որպեսզի չխանգարեն անցորդներին, պահանջել հանգցնել մոմերը: Անցորդներին բաժանվող թղթիկները, որոնց վրա գրված էր «դեմ եմ թուրքական արձանագրություններին, դեմ եմ Մադրիդյան սկզբունքներին, որի համար ստորագրում եմ», այնուհետեւ այրում էին մոմի կրակի վրա: Ոստիկանները տարել են մոմերն ու մոխրի համար նախատեսված ամանը' ասելով, թե ձեր ակցիան անցկացրեք առանց դրանց: «Ոստիկանները հայտարարեցին, թե այրումը մեր պետության նկատմամբ անարգանք է: Ես էլ ասացի' դուք կարդացել եք, թե ինչ է գրված այդ թռուցիկների վրա, որ արգելում եք: Մենք ոչ հանցագործություն ենք կատարում, ոչ էլ թուղթ այրելն այս պետությանը դեմ է: Մենք' իբրեւ քաղաքացի, այսպես ենք մեր բողոքն արտահայտում, մեր բողոքի ձեւն էլ սա է»,- «Ա1+»-ի հետ զրույցում պատմեց ՀԱԿ անդամ Աշոտ Միսակյանը' ավելացնելով, որ երբ ոստիկանները իմացան, որ լրագրողներ են գալու, ինչպես նաեւ' «Ժառանգության» պատգամավոր Զարուհի Փոստանջյանը, մեծ մասը ցրվեց. 20 ոստիկանից մնացին 4-ը:
Այս միջադեպից հետո ակցիայի մասնակիցները նոր մոմեր են գնել: Այն պահին, երբ Զարուհի Փոստանջյանը եւս նստեց ակցիայի մասնակիցների կողքին ու սկսեց հետեւել ստորագրահավաքին, մոտեցան երկու ոստիկան ու փորձեցին նրա ձեռքից խլել վառվող մոմը: Ոստիկանները բավականին կոպիտ ու անհարգալից էին Զարուհի Փոստանջյանի հետ եւ ամեն կերպ փորձում էին խլել ու հանգցնել մոմը: Զարուհի Փոստանջյանը ոստիկանից պահանջեց գրավոր ներկայացնել հրամանը եւ ցույց տալ օրենքի այն կետը, ըստ որի ինքն իրավունք չունի մոմ վառել: Ոստիկանը, որն այդպես էլ չներկայացավ, քիչ անց հեռացավ, կանգնեց ավելի հեռվում ու սկսեց հետեւել ակցիայի մասնակիցներին: Ավելի ուշ նրան միացան եւս մի քանի ոստիկաններ:
Nombre de messages : 755 Date d'inscription : 25/09/2007
Sujet: Re: MIATSUM Ven 9 Oct - 0:15
Էս միլիցեքը էս ինչ տականք են…
tagyhi
Nombre de messages : 2513 Date d'inscription : 06/04/2007
Sujet: Re: MIATSUM Ven 9 Oct - 1:50
TURKAKAN VOSTIKANUTYUN !
FASHIST KARAVARUTYUN !
SS VOSTIKANUTYUN !
ALLEZ Y DONNEZ ENCORE AU PHONECON !
la ligne de démarquation à pas encore sautée que déja la democratie à la turque est installée !!!
tseghakron
Nombre de messages : 755 Date d'inscription : 25/09/2007
Sujet: Re: MIATSUM Ven 9 Oct - 9:31
Ոչ մի սրբություն… Նույնիսկ ցեղասպանության զոհերի հիշատակն է դրվել վաճառքի...
Karin
Nombre de messages : 2663 Date d'inscription : 03/04/2007
Sujet: Re: MIATSUM Jeu 15 Oct - 21:46
ՀԱՂՈՐԴԱԳՐՈՒԹՅՈՒՆ
Հոկտեմբերի 15-ին “Միացում” ազգային նախաձեռնությունը Նոր-Նորք համայնքում, Նորքի 2-րդ զանգվածում կազմակերպել էր հերթական ստորագրահավաքը “թուրքական արձանագրությունների” և “մադրիդյան սկզբունքների” դեմ: Նախորդ օրերին Երևանի այլ համայնքներում ստորագրահավաքը անցել էր համեմատաբար խաղաղ պայմաններում, բացառությամբ, երբ իրավապահները փորձել էին խոչընդոտել “թուրքական արձանագրությունների” խորհրդանշական այրումը: Այսօր ստորագրահավաքը սկսելու պահից սկսած 5-10 հոգանի քաղաքացիական հագուստով մի քանի խմբեր, պարբերաբար իրար փոխարինելով փորձել են խոչընդոտել կազմակերպիչների աշխատանքը: Տարբեր պատճառաբանություններով, սրելով իրավիճակը, այդ անձինք “Միացման” անդամներին փորձել են ներքաշել վիճաբանության մեջ: Նրանց մի մասը քաղաքացիներին հորդորել են, որ չմոտենան սեղանիկին և չստորագրեն: Այդ անձանց ապօրինի գործողություններին հանգիստ հետևել են իրավապահ մարմինների ներկայացուցիչները, որոնք ստեղծված իրավիճակի մասին իրազեկվել էին “Միացման” անդամների կողմից: Լրագրողների, տեսա և ֆոտոխցիկների տվյալ վայրում ներկա գտնվելու պահին խուլիգանական արարք կատարող անձիք արագ հեռացել են այդ վայրից և կրկին վերադարձել միայն վերջիններիս բացակայության ժամանակ: Իրավապահ մարմինների ներկայացուցիչները ստորագրահավաքի կազմակերպիչներին նույնպես հորդորել են, որպեսզի վերջիններս հեռանան այդ վայրից և չզբաղվեն ստորագրություններ հավաքելով: “Միացման” անդամները ի վերջո տեսնելով, որ իրավիճակի սրումը կարող է բերել անկանխատեսելի հետևանքների, հեռացել են տվյալ վայրից: “Միացում” ազգային նախաձեռնությունը մեկ անգամ ևս փաստում է, որ այս բռնատիրական ռեժիմը, ապօրինի գործողություններով փորձում է լռեցնել հայ ժողովրդի անկեղծ ձայնը, կոտրել նրա կամքը և ժողովրդին պարտադրել ի սկզբանե հայության, Հայաստանի Հանրապետության և Արցախի համար պարտվողական, ազգուրաց այն փաստաթղթերի վավերացումը, որը կոչվում է “թուրքական արձանագրություններ” և “մադրիդյան սկզբունքներ”: “Միացում” ազգային նախաձեռնությունը վճռական է տրամադրված և ապագա իր գործունեության մասին ԶԼՄ-երի միջոցով կիրազեկի հանրությանը:
15.10.09թ. Երևան
tseghakron
Nombre de messages : 755 Date d'inscription : 25/09/2007
Sujet: Re: MIATSUM Dim 18 Oct - 16:02
Contenu sponsorisé
Sujet: Re: MIATSUM
MIATSUM
Page 1 sur 1
Permission de ce forum:
Vous ne pouvez pas répondre aux sujets dans ce forum