Տիգրան Մեծի պատասխանը Սերժ Սարգսյանին
«Կարծում եք, Աղդա՞մն էլ է հայկական տարածք». Սերժ Սարգսյանի հայտի արտահայտության սպառիչ պատասխանը տալիս է Տիգրան Մեծ արքան:
Իսկ թե ի՞նչ է ասում Տիգրան Մեծը. բոլոր ցանկացողները կարող են ծանոթանալ հուլիսի 4-ին, 5-ին եւ 6-ին` ժամը 18.00-ին Մոսկվա կինոթատրոնում, որտեղ ցուցադրվելու է կինոռեժիսոր Տիգրան Խզմալյանի «Տիգրանակերտ» ֆիլմը:
«Տիգրանակերտ` նշանակում է, այն` ինչ ստեղծել է Տիգրան Մեծը»,- ընդգծեց Տիգրան Խզմալյանը:
Ի դեպ, Սերժ Սարգսյանի հայտարարությունից կարճ ժամանակ անց Արցախում` Աղդամից ընդամենը մի քանի հարյուր մետր հեռավորության վրա հնագետ Համլետ Պետրոսյանը հայտնաբերեց Տիգրանակերտի ավերակները:
«Մեծ արքան հողի տակից եւ ժամանակի խավարից պահպանում է Հայաստանի սահմանները: Ֆիլմի նյարդն այն միտքն է, որ Տիգրան արքան հենց 2006թ, շուրջ 2000 տարի անց Տիգրանակերտը դուրս բերեց հողի տակից եւ դրանով սահմանեց իր երկիրը, որը մենք պարտավոր ենք պահպանել»,- այսօր «Ա1+»-ի հետ զրույցում ասաց Տիգրան Խզմալյանը:
Այս տարի լրանում է Տիգրան Մեծ արքայի 2150 ամյակը: «Իմ ֆիլմը իմ անձնական եւ իմ սերնդի համեստ տուրքն է Մեծ արքայի հոբելյանին»,- նշեց Խզմալյանը:
Ֆիլմում տեղ են գտել ոչ միայն Արցախում իրականացվող Տիգրանակերտի պեղումները, այլեւ` արխիային կադրեր, հնագետ Համլետ Պետրոսյանը ներկայացնում է Տիգրան Մեծի ժամանակահատվածը, նրա կյանքը, գործունեությունը:
Ֆիլմի պատրաստման ընթացքում Տիգրան Խզմալյանը պարզել է նաեւ «Մենք հայերս որպես ազգ ծնվել ենք Տիգրանի օրոք: Այսինքն, Տիգրան Մեծի ջանքերով Հայաստանը վերածվեց քաղաքական գործոնի»:
Ի դեպ, ֆիլմի նկարահանումների ընթացքում Տիգրան Խզմալյանը դիմել է բոլոր հնարավոր մարմիններին, գործարարների` նկարահանումներին աջակցելու համար եւ որեւէ մեկից դրական պատասխան չի ստացել:
«Մեր երկիրն այս վիճակում է, որովհետեւ մենք պատրաստ ենք միլիոններ ծախսել` թոզ փչելու, օդ կրակելու համար: Մեզանից հարկված գումարները մեր բյուջեից հատկացվում են մեզ թունավորելու, զոմբիացնելու համար գործող հեռուստաալիքներին, սակայն Տիգրան Մեծին նվիրված վավերագրական ֆիլմը աջակցության չարժանացավ»,- ասաց կինոռեժիսոր Տիգրան Խզմալյանը:
http://www.a1plus.am/am/culture/2010/06/2/tigran-khzmalyan
Accueil 
Rechercher 
S'enregistrer 
Connexion 
Sujet: Website de la cité "Tigranakert" de l'Artsakh 
Sam 21 Mar - 10:27