http://www.a1plus.am/am/society/2009/06/18/earthquake
Այսօր ժամը 12:34-ին Գառնի գյուղից 10 կմ հյուսիս տեղի է ունեցել 3, 6
մագնիտուդով երկրաշարժ, որի ուժգնությունը էպիկենտրոնում կազմել է 5 բալ:
Երկրաշարժը զգացվել է Երեւանում, Աբովյանում, Բյուրեղավանում,մոտակա այլ բնակավայրերում` 3-4 բալ:
Ըստ Սեյսմիկ պաշտպանության ազգային ծառայության` ավերածություններ չեն եղել: Բարեբախտաբար, չկան նաեւ զոհեր:
Երկրաշարժից անմիջապես հետո Հանրապետության տարբեր բնակավայրերում լուրեր են տարածվում, որ սպասվում է ուժեղ երկրաշարժ, նույնիսկ եղել են դեպքեր, երբ դպրոցականներին տարահանել են դասարաններից, խաթարելով ուսումնական գործընթացը:
Սեյսմիկ պաշտպանության ազգային ծառայությունը հայտնում է, որ նմանատիպ լուրերը անհիմն են եւ իրականությանը չեն համապատասխանում:
" Ընթացիկ սեյսմիկ իրավիճակը Հանրապետությունում վերահսկվում է ծառայության կողմից եւ գտնվում է ֆոնային տիրույթում, եւ ոչ մի հիմք չկա խուճապի համար",-ասված է Սեյսմիկ պաշտպանության ազգային ծառայություն գործակալության հաղորդագրության մեջ: