Turcs-Arméniens avancent sur la voie de la réconciliation???

Հայաստանը եւ Թուրքիան համաձայնության են հանգել

Թուրքիա - ԱՄՆ-ի նախագահ Բարաք Օբաման Ստամբուլում հանդիպում է արտգործնախարարների հետ, 6-ը ապրիլի, 2009 թ.
23.04.2009
Հրաչ Մելքումյան
Հայաստանը եւ Թուրքիան համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով։ Այս մասին ասված է Հայաստանի եւ Թուրքիայի արտաքին գործերի նախարարությունների, ինչպես նաեւ Շվեյցարիայի արտաքին գործերի դաշնային դեպարտամենտի տարածած համատեղ հայտարարության մեջ։

Հայտարարությունում նշվում է, որ Հայաստանը եւ Թուրքիան, Շվեյցարիայի միջնորդությամբ, ինտենսիվ աշխատանք են տարել, նպատակ ունենալով կարգավորել իրենց երկկողմ հարաբերությունները։

«Այդ գործընթացում երկու կողմերը ձեռք են բերել շոշափելի առաջընթաց եւ փոխըմբռնում։ Նրանք համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով։ Այս համատեքստում սահմանվել է ճանապարհային քարտեզ», - նշված է հայտարարության տեքստում, որը երեկ ուշ երեկոյան տարածել է Հայաստանի արտգործնախարության մամուլի եւ տեղեկատվության վարչությունը։

Հայտարարությունում նաեւ նշվում է, որ համաձայնեցված հիմքերը դրական հեռանկար են ստեղծում բանակցային գործընթացի շարունակման համար։

Համատեղ հայտարարությունը նույն ժամին տարածել է նաեւ Թուրքիայի արտգործնախարարությունը։

«Ասոշիեյթեդ փրես»-ը հաղորդում է այս մասին,

ընդգծելով, որ հայտարարությունը տարածվեց ապրիլի 24-ի նախաշեմին, օր, երբ հայերը նշում են Օսմանյան կայսրությունում հայերի մասսայական ջարդերը։

Թուրքիայի վարչապետ Ռեջեփ Էրդողանը ապրիլ ամսվա սկզբին հայտարարեց, որ Հայաստանի հետ համաձայնություն չի լինի, մինչեւ Հայաստանը Ադրբեջանի հետ չլուծի Լեռնային Ղարաբաղի հարցը։ Նրա հայտարարությունը հնչեց այն բանից հետո, երբ Հայաստանի նախագահը հույս հայտնեց, որ հայ-թուրքական սահմանը կարող է բացվել մինչեւ հոկտեմբեր։

Ապրիլի 6-ին Թուրքիա կատարած այցելության ժամանակ Միացյալ Նահանգների նախագահ Բարաք Օբաման քաջալերեց Թուրքիայի ու Հայաստանի միջեւ երկխոսությունը, ասելով, թե բանակցությունները կարող են շատ շուտով արդյունքներ տալ։ Հենց այդ ժամանակ հրապարակավ հայտնի դարձավ հայ-թուրքական բանակցություններում Շվեյցարիայի միջնորդության մասին։ Բարաք Օբաման պաշտոնական ճաշկերույթի ընթացքում հանդիպեց Հայաստանի ու Թուրքիայի արտգործնախարարներին՝ Շվեյցարիայի արտգործնախարարի մասնակցությամբ։ Ավելին, ինտերնետում մի տեսանայութ էր տեղադրվել, որտեղ երեւում էր, որ Հայաստանի արտգործնախարար Էդվարդ Նալբանդյանը Թուրքիա է ժամանում շվեյցարական տարբերանշաններ ունեցող օդանավով։

Միացյալ Նահանգների Պետդեպարտամենտը ողջունել է Հայաստանի եւ Թուրքիայի հայտարարությունը երկկողմ հարաբերությունների կարգավորման համապարփակ շրջանակի շուրջ համաձայնության գալու վերաբերյալ:

«Միացյալ Նահանգները ողջունում է Հայաստանի եւ Թուրքիայի հայտարարությունը երկկողմ հարաբերությունների կարգավորման վերաբերյալ», - «Ֆրանսպրես» գործակալության վկայությամբ` երեկ ասել է Պետդեպարտամենտի խոսնակ Ռոբերտ Վուդը:

«Միացյալ Նահանգների դիրքորոշումը երկար ժամանակ եղել է եւ մնում է այն, որ կարգավորումը պետք է տեղի ունենա առանց նախապայմանների եւ խելամիտ ժամկետներում», - ընդգծել է Վուդը:

«Մենք ակնկալում ենք աշխատել երկու կառավարությունների հետ` ի աջակցություն կարգավորման, եւ դրանով իսկ խթանել խաղաղությունը, անվտանգությունը եւ կայունությունը ամբողջ տարածաշրջանում», - հայտարարել է Պետդեպարտամենտի խոսնակը:
http://www.azatutyun.am/content/article/1614166.html

Թուրքական Sabah-ը հրապարակել է «ճանապարհային քարտեզի» 5 կետերը24.04.2009
Թուրքական Sabah թերթը, վկայակոչելով Թուրքիայի արտգործնախարության իր աղյուրը, հրապարակել է Հայաստանի ու Թուրքիայի միջեւ համաձայնեցրած հինգ կետերից բաղկացած ճանապարհային քարտեզը:

Sabah-ի փոխանցմամբ, ճանապարհային քարտեզում ներառված են հետեւյալ կետերը.


1.Հայաստանը ճանաչում է Հայաստանի, ԽՍՀՄ-ի եւ Թուրքիայի միջեւ ստորագրված Կարսի պայմանագիրը։
2.Պատմաբանների համատեղ հանձնաժողով է ստեղծվում ցեղասպանության մեղադրանքները ուսումնասիրելու համար, հանձնաժողովին կարող են միանալ նաեւ երրորդ երկրները։
3.Երկու երկրների միջեւ սահմանային անցակետերը բացվում են, համապատասխան համաձայնագրեր են ստորագրվում առեւտրային հարաբերությունները խթանելու համար:
4.Երկու կողմերը Վրաստանում իրենց դեսպաններին հավատարմագրում են Անկարայում եւ Երեւանում, որից հետո կստեղծվեն դիվանագիտական ուղղակի հարաբերություններ։
5.Ճանապարհային քարտեզի համաձայնագրիըը, որը օրենսդիր մարմնի հաստատման կարիք ունի, քննարկման կդրվի Թուրքիայի խորհրդարանում։

Թուրքիայի արտգործանախարության պաշտոնյան Sabah-ին ասել է, թե Ղարաբաղին առնչվող կետ ճանպարհային քարտեզում ընդգրկված չէ: Այնուամենայնիվ, նա նշել է, թե Ղարաբաղի հարցը «դե ֆակտո» առնչվելու է ճանապարհային քարտեզի հետ` այն իմաստով, որ Ղարաբաղի խնդրի լուծման ու հայ-թուրքական հարաբերությունները կարգավորելու քայլերը արվեն զուգահեռ։
http://www.azatutyun.am/archive/news/latest/2031/2031.html?id=1615209

01.05.2009 ՀԱԿ-ը «պատրաստ է աջակցել հայ-թուրքական մերձեցման հարցում»
Ընդդիմադիր Հայ ազգային կոնգրեսի (ՀԱԿ) ուրբաթ օրը անցկացրած հանրահավաքի իր ելույթում Լեւոն Տեր-Պետրոսյանը «հատուկ գնահատականի» արժանացրեց հայ–թուրքական հարաբերություններում վերջերս նկատվող աննախադեպ տեղաշարժը:

Նորանկախ Հայաստանի առաջին նախագահը նշեց, որ Հայ ազգային կոնգրեսը հիմնականում կողմ է հայ–թուրքական հարաբերությունների շուտափույթ կարգավորմանը եւ «պատրաստ է այդ հարցում աջակցել Հայաստանի իշխանությունների ձեռնարկած բոլոր դրական քայլերին». - «Մեր միակ առարկությունը վերաբերում է Ցեղասպանության ուսումնասիրման նպատակով հայ եւ թուրք պատմաբանների հանձնաժողովի ստեղծմանը, քանի որ մեր համոզմամբ՝ դա այլ բան, քան Հայոց ցեղասպանության ուրացում, չի նշանակում»:

«Հայկական կողմի համար ակնհայտորեն որոշակի դժվարություն պիտի հարուցեր հայ եւ թուրք պատմաբանների հանձնաժողովի ստեղծման գաղափարը, եւ վերջիվերջո նրան հաջողվել է այն վերանվանել միջկառավարական հանձնաժողով։ Բայց դա ընդամենը միայն խնդիրը քողարկելուն եւ հայ ժողովրդին հանդարտեցնելուն միտված մեղմասացություն է, քանի որ միջկառավարական հանձնաժողովում եւս ենթադրվում է ստեղծել պատմաբանների ստորաբաժանում, ինչից հարցի էությունն ամենեւին չի փոխվում։ Իսկ թուրքական կողմը չի կարող հաշվի չնստել ադրբեջանական հասարակության եւ սեփական ընդդիմության ճնշման հետ, ուստի ստիպված կրկին վերադառնալու է իր նախկին դիրքորոշմանը։ Հակառակ լավատեսական կանխատեսումներին եւ հակառակ բոլոր սպասումներին, Հայաստանի եւ Թուրքիայի հարաբերությունները չեն կարգավորվելու եւ հայ–թուրքական սահմանը չի բացվելու, քանի դեռ էական առաջընթաց չի արձանագրվել Ղարաբաղյան հակամարտության լուծման հարցում», - հայտարարեց Տեր-Պետրոսյանը:

«Այս դեպքում հարց է առաջանում. ի՞նչն էր, ապա, բարձրացված այդ ամբողջ աղմուկի իմաստը: Խնդիրն այն է, որ Թուրքիան, Հայաստանի հետ հարաբերությունները կարգավորելու ընդհանուր տրամադրվածությունից բացի, իր առջեւ նաեւ մի ավելի նվազագույն եւ կոնկրետ նպատակ էր դրել, այն է՝ ամեն գնով կանխել Ամերիկայի Միացյալ Նահանգների նախագահ Բարաք Օբամայի եւ ամերիկյան կոնգրեսի կողմից Հայոց ցեղասպանության ճանաչման վտանգը», - շարունակեց նա: - «Թուրքիան լիովին հասավ իր նպատակին, Հայաստանը մնաց ձեռնունայն, իսկ Սփյուռքը դարձյալ հուսախաբ եղավ»։

Հայաստանի առաջին նախագահի կարծիքով, դիվանագիտական պարտության հիմնական մեղավորը Հայաստանի վերջին տասնմեկ տարվա իշխանություններն էին` հանձինս Ռոբերտ Քոչարյանի, Վարդան Օսկանյանի, Սերժ Սարգսյանի եւ Էդվարդ Նալբանդյանի, որոնք «բառացիորեն պղծեցին Ցեղասպանության սուրբ գաղափարը` այն վերածելով քաղաքական աճուրդի ու սակարկության առարկայի»։

«Սերժ Սարգսյանը հանուն սեփական իշխանության երկարաձգման, բառիս բուն իմաստով, ծախեց Ցեղասպանությունը։ Նրա հաջորդ քայլը, անկասկած, լինելու է Ղարաբաղը ծախելը», - հայտարարեց Տեր-Պետրոսյանը:

«Այդուհանդերձ, թեկուզ նման տխուր արդյունքով ավարտված հայ–թուրքական հարաբերությունների կարգավորման ներկա գործընթացը զուրկ չէ դրական տարրերից։ Մի կողմից՝ Թուրքիայի բնական շահագրգռվածությունը հայ–թուրքական հարաբերությունների կարգավորման հարցում, իսկ մյուս կողմից՝ այդ կարգավորման պայմանավորումը հայ–ադրբեջանական հարաբերություններում ակնկալվող տեղաշարժով, որոշ հող է ստեղծում Ղարաբաղյան հակամարտության կարգավորման գործընթացի խթանման համար»:

Հայ ազգային կոնգրեսի առաջնորդը նաեւ քննադատեց իշխանություններին` Հայաստանի սոցիալ-տնտեսական իրավիճակի վատթարացման եւ դրամի արժեզրկման հետեւանքով` «ազգային հարստության բացահայտ կողոպուտի» համար: Տնտեսական վիճակի առումով էլ Լեւոն Տեր-Պետրոսյանի կանխատեսումները լավատեսական չէին: Նա նշեց, որ ստեղծված իրավիճակում տնտեսական կայունացման մասին «խոսք անգամ լինել չի կարող»:

«7-ի գործի» կապակցությամբ Տեր-Պետրոսյանը ասաց. - «Քրեական օրենսգրքի 300 հոդվածով առաջադրված մեղադրանքի վերացմամբ, իշխանությունները «փաստորեն խոստովանեցին, որ յոթի գործը սկզբից եւեթ շինծու է եղել»:

Ինչ վերաբերում է «զանգվածային անկարգությունների իրական կազմակերպիչներին ու իրականացնողներին», առաջին նախագահը ասաց. - «Հավաստի աղբյուրներից ստացված տեղեկությունների հիման վրա մենք պարզել ենք, որ մարտի 1 ին մեքենաների հրկիզումները, խանութների թալանը եւ այլ սադրանքներ իրականացրել են որոշակի ավազակախմբեր, որոնց անդամների ընդհանուր թիվը կազմել է 950 հոգի։ Այդ ավազակախմբերը կազմավորվել, հանդերձվել եւ նշված գործողությունները համակարգող կենտրոնի տրամադրության տակ են դրվել հինգ բարձրաստիճան պետական պաշտոնյաների եւ չորս հայտնի օլիգարխների կողմից»։

Նրա ելույթի վերջին հատվածը նվիրված էր Երեւանի ավագանու առաջիկա ընտրություններին. - «Պաշտոնական քարոզչամեքենան ընտրությունների քաղաքականացման մեջ Կոնգրեսին մեղադրելուց բացի, փորձում է մեզ անհարմար դրության մեջ դնել նաեւ մի այլ ծիծաղելի հնարքով՝ քաղաքապետին, իր պատկերացմամբ, օժտելով միայն աղբահավաքի նվաստ դերով։ Նախ՝ ո՞վ է ասել, որ աղբահանությունն ինքնին կարեւոր գործ չէ։ Եւ երկրորդ՝ եթե քաղաքապետի միակ պարտականությունը աղբահանությունն է, ապա ինչո՞վ բացատրել, որ Երեւանի մասին 60 մեծադիր էջից բաղկացած օրենքում այդ խնդրին ընդամենը մեկ տող է հատկացվել, մինչդեռ ողջ մնացյալը վերաբերում է քաղաքականությանը»։

Ընդդիմության հանրահավաքը ավարտվեց երթով: Երթի մասնակիցները Երեւանի Մաշտոցի պողոտայով, Հանրապետության հրապարակով հասան մինչեւ Հյուսիսային պողոտա:
Իրինա Հովհաննիսյան
http://www.azatutyun.am/content/article/1619896.html

ՀԱՅ-ԹՈՒՐՔԱԿԱՆ ՄԻՋՊԵՏԱԿԱՆ ԳՈՐԾԸՆԹԱՑԻ
ԵՎ ԱՅՍՊԵՍ ԿՈՉՎԱԾ «ՃԱՆԱՊԱՐՀԱՅԻՆ ՔԱՐՏԵԶԻ» ՄԱՍԻՆ
Ինչպես ցույց տվեցին «Արարատ» ռազմավարագիտական կենտրոնի ս/թ մարտ-ապրիլ ամիսներին անցկացված 200 հարցազրույցները, որոնք մենք քննարկեցինք ապրիլի 14-ին, հայ հասարակության ներկայացուցիչները ծայրաստիճան անհանգստացած և վրդովված են «ֆուտբոլային դիվանագիտության» անվան տակ հայտնի հայ-թուրքական միջպետական գործընթացով, որն արդեն իսկ առաջ է բերել մի շարք խիստ հայավնաս արդյունքներ։
Առկա ամբողջ տեղեկատվությունից կարելի է անվրեպ եզրակացնել, որ ՀՀ բարձրագույն քաղաքական իշխանության որոշ ներկայացուցիչներ, առանց հաշվի նստելու հայ ժողովրդի կենսական շահերի և «Հայաստանի անկախության մասին հռչակագրում» ու ՀՀ Սահմանադրության մեջ ամրագրված դրույթների հետ, ինչպես նաև խախտելով ՀՀ յուրաքանչյուր քաղաքացու տեղեկատվություն ստանալու (հ. 27) և հասարակական շահերի պաշտպանության նկատառումներով իրավասու պետական մարմիններից պատշաճ պատասխան ստանալու սահմանադրական իրավունքները (27.1), ընդունել են Թուրքիայի կողմից վաղուց ի վեր առաջադրվող նախապայմանները։ ՀՀ իշխանությունների կապիտուլյանտական վերոհիշյալ գործողություններն ու դրանց հետևանքներն են.


1-ին թուրքական նախապայմանի ընդունում. ՀՀ բարձրագույն քաղաքական իշխանությունը համաձայնվել է ստեղծել հայ և թուրք պատմաբաններից բաղկացած համատեղ հանձնաժողով, որի աշխատանքի մեխը լինելու է Հայոց ցեղասպանության իրողությունը վիճաբանության առարկա դարձնելը։
Հետևանքներ. Իր գոյությամբ և թուրքական ժխտողական պատմագրության ներկայացուցիչների հետ քննարկում-բանավեճերով այդ հանձնաժողովը
ա) միջազգային ասպարեզում կասկածի տակ է դնելու Հայոց ցեղասպանության փաստը,
բ) ի չիք է անելու Հայոց ցեղասպանության ճանաչման գործընթացը, նպաստելով հայ ժողովրդի համար 1-ին թշնամու՝ Թուրքիայի վաղեմի նպատակին։
Փաստորեն, Հայաստանում բարձրագույն քաղաքական պաշտոններ զբաղեցնող մի շարք անձանց քմահաճույքով դատարկ հնչյունի է վերածվել «Հայաստանի անկախության մասին հռչակագրում» ամրագրված հետևյալ հիմնադրույթը՝ «Հայաստանի Հանրապետությունը սատար է կանգնում 1915 թվականի Օսմանյան Թուրքիայում և Արևմտյան Հայաստանում հայոց ցեղասպանության միջազգային ճանաչման գործին»:
Առհասարակ, պետք է արձանագրել, որ Հայոց ցեղասպանության միջազգային ճանաչման հաղթական երթը տորպեդոհարվեց անմիջապես այն բանից հետո, երբ ՀՀ-ն թույլ տվեց իրեն ներքաշել մեռելածին «ֆուտբոլային դիվանագիտության» մեջ, որի ողջ ընթացքում որևէ պետություն Հայոց ցեղասպանության ճանաչման ակտ չի ընդունել։

2-րդ թուրքական նախապայմանի ընդունում. Առկա տեղեկատվությունը թույլ է տալիս եզրակացնել, որ ՀՀ բարձրագույն քաղաքական իշխանությունը պատրաստվում է ճանաչել Թուրքիայի ներկա սահմանները, հրաժարվելով ցեղասպանության միջոցով հայ ժողովրդին հասցված աղետալի վնասի դիմաց տարածքային, քաղաքական, իրավական, մշակութային, բարոյական և այլ փոխհատուցումներից։ Խոսքն, ըստ էության, վերաբերում է առաջիկայում 1921 թ. Կարսի պայմանագրի վերահաստատմանը՝ անկախ նրանից, հիշատակվելու է այդ պայմանագիրը համաձայնագրի բուն տեքստում թե ոչ։
Հետևանքներ. Այս քայլով ՀՀ բարձրագույն քաղաքական իշխանությունը նպաստում է հայ ժողովրդի համար 1-ին թշնամու՝ Թուրքիայի վաղեմի նպատակին՝ ցեղասպանության արդյունքների վերջնական օրինականացմանը։ 2009թ. ապրիլի 24-ի իր ուղերձում ՀՀ նախագահը հաստատեց «Հայաստանի անկախության մասին հռչակագրում» ամրագրված հիմնադրույթից կամայական և անօրինական նահանջը, չհիշատակելով Հայոց ցեղասպանության հիմնական տարածքը՝ Արևմտյան Հայաստանը։ Համադրելով այս դիտավորյալ բացթողումը ՀՀ նախագահի նախորդ հայտարարությունների հետ, որոնցում նա, մասնավորապես, հայտարարարում էր Թուրքիայի նկատմամբ տարածքային պահանջներ չունենալու մասին և Արևմտյան Հայաստանը համարում էր լոկ աշխարհագրական տերմին, կարելի է եզրակացնել, որ ՀՀ բարձրագույն քաղաքական իշխանությունը փորձ է կատարում ջնջելու այդ տերմինը ինչպես հայության իրավաքաղաքական բառապաշարից, այնպես էլ հայության պատմաքաղաքական գիտակցությունից։ Հարված հասցնելով Հայաստանի արևմտյան մասը բռնազավթված հայրենիք համարելու բնական և ազգային անվտանգության տեսանկյունից անհրաժեշտ ընկալումին, գիտակցում են դա թե ոչ, մեր պետության ղեկավարները քայքայում են հայության աշխարհընկալման ողջ համակարգը, դրանով իսկ նպաստելով թուրք-ադրբեջանական դաշինքի՝ Հայաստանը ոչնչացնելու հեռահար նպատակներին։
Բացի այդ, բացահայտորեն և առանց որևէ փոխհատուցման հրաժարվելով Հայաստանի բռնազավթված արևմտյան մասից՝
• ՀՀ-ն զրկվում է միջազգային ասպարեզում Թուրքիայի դեմ ճնշում կիրառելու դիվանագիտական կարևոր կռվանից, միաժամանակ, անզեն մնալով նույն Թուրքիայի կողմից իրեն ներկայացվող՝ Արցախն իբր բռնազավթելու չդադարած մեղադրանքների առջև։

• Սեպ է խրվում և խոր պառակտումների տեղ բացվում հայության տարբեր հատվածների միջև, այդ թվում՝ մի կողմից ապահայացման ճանապարհ բռնած քաղաքական վերնախավի ու նրան սպասարկող վարչա-օլիգարխիական շրջանակների և մյուս կողմից` ժողովրդի լայն զանգվածների միջև, ինչպես նաև ամբողջ Սփյուռքի և ՀՀ իշխանությունների միջև։
• Հարված է հասցվում հայ ժողովրդի աշխարհընկալման և հայրենասիրական զգացմունքների ու նպատակների ողջ համակարգին, առաջին հերթին` Հայրենիք-Հայաստանի հիմնարար գաղափարին, ինչը հղի է ծանրագույն հետևանքներով, հատկապես թուրք-ադրբեջանական դաշինքի՝ Հայաստանը ոչնչացնելու ծրագրերի համատեքստում։

3-րդ թուրքական նախապայմանի ընդունում. ՀՀ բարձրագույն քաղաքական իշխանությունը տեղի է տվել Թուրքիայի առաջադրած գաղտնի նախապայմանին՝ հրապարակայնորեն հայտարարելով իր համաձայնությունը՝ թույլ տալու թուրքական ընկերություններին դառնալ Հայկական նոր ատոմակայանի բաժնետեր։
Հետևանքներ. Հայաստանի ազգային անվտանգության համակարգը դադարում է իր գոյությունը և բոլոր առումներով դառնում է զավեշտ, խաթարվում է հայ ժողովրդի հոգեբանական անվտանգությունը, քողարկվում է Թուրքիայի թշնամի լինելը, դյուրացվում են թուրք-ադրբեջանական դաշինքի հակահայկական գործողությունները։

4-րդ թուրքական նախապայմանի ընդունում. Ս.թ. ապրիլի 23-ին հրապարակվել է իր բովանդակությամբ անհայտ, սակայն իր ներգործությամբ ակնհայտորեն հակահայկական հայ-թուրքական «ճանապարհային քարտեզը»։
Հետևանքներ. Անշուշտ, գործողությունների այդ անհայտ ծրագրի հրապարակումը Մեծ Եղեռնի զոհերի հիշատակի օրվա ճիշտ նախօրեին կատարվել է Թուրքիայի պահանջով, այդ քայլով Թուրքիան
ա) փորձում է ստվերել հայոց համար ապրիլ ամսի և հենց ապրլի 24-ի խորհրդանշական բովանդակությունը, այսուհետև կապելով դրանք ոչ թե Թուրքիայի դեմ հայության բողոքի և պայքարի, այլ հայ-թուրքական սին հաշտեցման և ՀՀ-ի որդեգրած կապիտուլյանտական քաղաքականության հետ.
բ) նվաստացնել հայության ազգային արժանապատվությունը, բարոյապես նախապատրաստել հայ ժողովրդին ազգային շահերից և նպատակներից հետագա նախագծված հրաժարմանը.
գ) ժողովրդի թիկունքում կնքված այդ համաձայնագիրը նպաստեց նաև ԱՄՆ նախագահի խոստմնադրժությանը՝ ապրիլի 24-ի նրա հայատարարության մեջ իրավական կշիռ ունեցող «հայոց ցեղասպանություն» բառեզրույթը չգործածելուն,
դ) առաջացրեց անապահովության զգացում հայրենաբնակ և աշխարհասփյուռ հայության լայն զանգվածներում։

ԵԶՐԱԿԱՑՈՒԹՅՈՒՆՆԵՐ

Ելնելով վերոշարադրյալ իրողություններից, կարելի է եզրահանգել.
1. ՀՀ բարձրագույն քաղաքական իշխանության որոշ ներկայացուցիչների՝ ներհայկական լսարանի համար հնչեցվող ճառերն ու հավաստիացումներն ակնհայտորեն հակասում են միջազգային ասպարեզում նույն պաշտոնյաների իրական քայլերին և հայտարարություններին: Նշված պաշտոնյաների համակարգված և հետևողական քայլերը կարող են վկայել այն մասին, որ այդ անձինք կամայականորեն վերանայել են մեր հանրապետության հիմնարար և հիմնադիր փաստաթղթերը և ձգտում են դրանք նենգափոխել սեփական խմբակային շահերից ու մտավարժանքներից բխող քաղաքականությամբ: Ցանկանում եմ մատնանշել, որ Հայաստանի համար 1 թշնամու՝ Թուրքիայի հետ տարվող չհաշվարկված ու աղետներով հղի ներկա կապիտուլյանտական քաղաքականությունն իր սկիզբն է առնում ՀՀ առաջին նախագահի պարտվողական քաղաքականության գաղափարախոսությունից։
2. Հայ-թուրքական «ճանապարհային քարտեզը» այլ բան չէ, քան հայկական պետականության փուլային կապիտուլյացիայի ծրագիր, իսկ նրա հրապարակումը ապրիլի 23-ին՝ Մեծ Եղեռնի զոհերի հիշատակի օրվա ճիշտ նախօրեին, այդ կապիտուլյացիայի առաջին ակտն է։
Հայ ժողովրդից գաղտնի պահվող այդ ծրագրի մաս կարող է լինել նաև Հայաստանի ազատագրված տարածքն Ադրբեջանին հանձնելու փորձը, ինչի մասին են վկայում վերջին օրերին զուգահեռաբար ակտիվացած բանակցությունները Մինսկի խմբի շրջանակներում, մայիսի 7-ին Պրահայում նախատեսվող Հայաստանի և Ադրբեջանի նախագահների հանդիպումը, Ադրբեջանի ղեկավարության մոտ առաջացած աննախադեպ լավատեսությունը բանակցային գործընթացի նկատմամբ, ինչպես նաև Թուրքիայի Անվտանգության խորհրդի ապրիլի 28-ի որոշումը,

որը դարձյալ կապում է հայ-թուրքական հարաբերությունների բարելավումն Արցախից հայկական զորքերի դուրսբերման, այլ կերպ ասած՝ այս անգամ արդեն արցախյան ճակատում Հայաստանի միաժամանակյա կապիտուլյացիայի հետ։
3. Ս.թ. ապրիլի 23-ին հայ-թուրքական «ճանապարհային քարտեզի» հռչակումով հայկական պետականության 18-ամյա ընթացքը հասավ իր ողբերգական ջրբաժանին, խորհրդանշելով Հայաստանի Երրորդ Հանրապետության հայեցակարգային, արժեհամակարգային և գաղափարական վախճանը։ 2009 թ. ապրիլի 23-ին մենք զարթնել ենք այլ Հայաստանում, մի երկրում, որը հայտնվել է թշնամու դիվանագիտական և գաղափարական ամուր ճիրաններում։ Այս պայմաններում, կարծում եմ, այն անմիջական քայլերը, որոնք կարող են որոշակիորեն լիցքաթափել հայ ժողովրդի ընդերքում առաջացած արդար վրդովմունքը, հետևյալն են. ՀՀ արտգործնախարարի հրաժարական, հայ-թուրքական, այսպես կոչված, «ճանապարհային քարտեզի» անհապաղ դենոնսացիա, Թուրքիայի հետ ներկա պարտվողական բանակցային գործընթացի անհապաղ դադարեցում, մինչև վերջինիս կողմից Հայաստանի նկատմամբ թշնամական քաղաքականության դադարեցումը, այդ թվում՝ Հայոց ցեղասպանության ճանաչումը և Արցախյան հիմնախնդրում Ադրբեջանին օժանդակելուց հրաժարվելը։
Արմեն ԱՅՎԱԶՅԱՆ
Քաղ. գիտ. դոկտոր
«Արարատ» ռազմավարագիտական կենտրոնի տնօրեն
http://blog.ararat-center.org/?p=235#more-235

Turkey, Armenia Agree on "Road Map"for Normalizing Relations

Հ Ա Յ Տ Ա Ր Ա Ր ՈՒ Թ Յ ՈՒ Ն
Միացե՜ք այս հայտարարություն-կոչին՝ դնելով ձեր ստորագրությունը: Join this petition online by undersigning it here! Присоединяйтесь к этой петицией, поставив свою подпись здесь!
30 ապրիլի, 2009թ., Երևան
Մենք՝ հայ հասարակության ներքոստորագրյալ ներկայացուցիչներս, խիստ անհանգստացած և վրդովված ենք «ֆուտբոլային դիվանագիտության» անվան տակ հայտնի հայ-թուրքական միջպետական գործընթացով և հատկապես ս.թ. ապրիլի 23-ին հրապարակված՝ իր բովանդակությամբ անհայտ, սակայն իր ներգործությամբ ակնհայտորեն հակահայկական «ճանապարհային քարտեզով»։
Մենք դատապարտում ենք ՀՀ բարձրագույն քաղաքական իշխանության որոշ ներկայացուցիչների պարտվողական քաղաքականությունը և նրանց կողմից
Հայկական հարցի,
Հայաստանի անկախության մասին հռչակագրի,
ՀՀ Սահմանադրության

P E T I T I O N
30 April 2009, Yerevan
We, the undersigned, as representatives of the Armenian society, are extremely concerned with and indignant about the current Armenian-Turkish inter-governmental process, which has become known as “Football diplomacy.” We are especially concerned with the so-called “road map” announced on April 23, which, although unknown in substance, is clearly anti-Armenian in its intent.
We condemn the defeatist policies of some of the high-ranking officials of the Republic of Armenia and their blatant disregard of the stipulations of
The Armenian Question,
The Declaration on the Independence of Armenia,
The Constitution of the Republic of Armenia.


П Е Т И Ц И Я
30 апреля 2009 г., Ереван
Мы, нижеподписавшиеся представители армянской общественности, крайне обеспокоены и возмущены армяно-турецким межгосударственным процессом, именуемым “футбольной дипломатией”, в особенности – оглашением 23 апреля с. г. неизвестной по своему содержанию, однако определенно антиармянской по воздействию т.н. “дорожной карты”.
Мы осуждаем пораженческую политику отдельных представителей высшего политического руководства РА и прямое нарушение с их стороны требований
Армянского Вопроса
Декларации о независимости Армении
Конституции РА

http://blog.ararat-center.org/?p=236#more-236
Ծանոթացեք նաև համացանցային ստորագրահավաքի միջոցով սույն հայտարարությանը միացած անձանց ցանկին։
http://gopetition.com/online/27397/signatures.html
Միացե’ք այս հայտարարություն-կոչին՝ դնելով ձեր ստորագրությունը:
http://gopetition.com/online/27397.html

tseghakron je n'ai pas trop envie de discuter sur ce sujet mais il y a une chose que nous devons exiger à tout le monde.

Le RESPECT!!! la déclaration de 23 la veille de 24 avril c'est le manque de respect aux victime de genocide de la part de Nalbandyan.

Le gouvernement de RA montre à la monde entier que il ne RESPECTE pas nos victime et c'est ça qui est grave.

je demande egalement à ararat centre de respecter l'Arménie Ocidentale, les arméniens d'Arménie Occidentale et le travail que nous fesons. Pour l'instant je n'ai pas ce sentiment.

Le probleme c'est que il s'agit d'instrumentalisation de 24 avril par les arméniens, que ça soit le gouvernement de RA ou des certains de diaspora, l'instrumentation pas par les autre mais par nous, par les hay.


Nalbandyan a été au vashington les USA probablement vont financer le programme de milinaire (je me rapele pas le nom) juste apres tous ces histoir. USA a eu une bonne excuse avec leur Obama de faire la gigniol le 24 avril. Apres avec un leger forcing Azeri ont obtenu la non ouverture de frontiere , les russe ont obtenu un peut de gaz de AZR, USA obtenu l'aide des turcs pour afganistan. l'europe pu sauver l'espoir que gaz azeri va venir en europe en evitant la russie.

Comme on peut constater tout le monde a obtenu quelque chose en bafouant le respect de nos victime.

Je suis d'accord