http://www.armar.am/?p=56893
Խնուս» մշակութային հիմնադրամի գործունեության 5-րդ տարելիցի առթիվ «Մոսկվա» կինոթատրոնում կազմակերպված միջոցառման ժամանակ,Արևմտյան Հայաստանի Հայերի Ազգային Խորհրդի նախագահ Արմենակ Աբրահամյանը ելույթ ունենալով խոսեց հայության պահանջատիրությունից:
«Որքան էլ հայությունն ապրի դժվարին ժամանակներ, միևնույն է, իր սրտում միշտ պետք է անմար պահի սերն առ իր հայրենիքը` Արևմտյան Հայաստանը»:
«Արևմտյան Հայաստանը ոչ միայն հիշատակ է, ոչ միայն երազ է ու միտք, Արևմտյան Հայաստանը աղբյուր է, որի համը, քացրությունը մենք գիտենք: Եվ այսօր ժամանակն է, որ մենք մեկ բռունցք դառնանք ու հայտարարենք, որ եկել է մեր բոլոր իրավունքների իրականացման պահը»:
Արևմտյան Հայաստանի Հայերի Ազգային Խորհրդի նախագահի համոզմամբ, մեր իրավունքներն իրականացնելու համար կան բոլոր իրավաբանական հիմքերն ու մեխանիզմները, և դրանք պետք է գործի դնենք ոչ միայն մեր մշակութային ժառանգությունը պահպանելու համար, այլև պետք է համարձակորեն գործենք իրավական հարթության մեջ:
«Այս ուղղությամբ է, որ գործում է Արևմտյան Հայաստանի Հայերի Ազգային Խորհուրդը, որը ստեղծեցիք 5 տարի առաջ: Այսօր արդեն բոլորի համար պարզ է, որ Արևմտյան Հայաստանի հարցը վերադարձել է մեծ քաղաքականություն: Այսօր Արևմուտքն ամեն ինչ անում է, որ հայ հասարակությունն ու Հայաստանի ղեկավարությունը ճանաչի Արաքսը որպես սահման: Այս ծրագրի հետևում մեկ նպատակ կա` փակել Արևմտյան Հայաստանի հարցը: Սակայն, ինչպես տեսանք, ձախողվեց այդ ընթացքը»:
Արմենակ Աբրահամյանի համոզմունքն է, որ հայության նպատակների իրականացման, արևմտահայության գոյության հիմնական երաշխիքը կարող է լինել միմիայն մեր միասնությունը, մեր նպատակների շուրջ բռունցքվելը:
«Այսօր ի լուր աշխարհի կարող ենք հայտարարել, որ Արևմտյան Հայաստանի հայերն անցնելով ցեղասպանության միջով, նորեն ողջ են ու պատրաստ պայքարելու սեփական հայրենիքը հետ վերադարձնելու»:
ArmAr.am