Serge Sarkissyan a envoyé une telegramme à Saakachvilli

Սերժ Սարգսյանը ցավակցական հեռագիր է հղել Միխեիլ Սահակաշվիլիին

Հայաստանի նախագահ Սերժ Սարգսյանն այսօր ցավակցական ուղերձ է հղել Վրաստանի նախագահ Միխեիլ Սահակաշվիլիին:

«Հայ ժողովրդի եւ անձամբ իմ անունից անկեղծ ցավակցություն եմ հայտնում Վրաստանում տեղի ունեցած վերջին իրադարձությունների հետեւանքով տեղ գտած բազմաթիվ զոհերի կապակցությամբ: Խնդրում եմ անկեղծ վշտակցության եւ զորակցության խոսքեր փոխանցել զոհվածների հարազատներին ու մտերիմներինե, - նախագահի մամլո գրասենյակի փոխանցմամբ, ասված է հեռագրում: - «Հարեւան Վրաստանում մենք ցանկանում ենք խաղաղության եւ կայունության շուտափույթ վերականգնում, ինչը տարածաշրջանային անվտանգության կարեւոր բաղադրիչ է: Հայաստանը պատրաստ է անհրաժեշտ մարդասիրական օգնություն տրամադրել տուժածներին եւ օպերատիվ կարգով լուծել առաջացող խնդիրներըե:

Ռուսաստանի նախագահ Դմիտրի Մեդվեդեւին, հիշեցնենք, Սերժ Սարգսյանը ցավակցել էր երեկ կայացած հեռախոսազրույցում:

KARTSES RUSSNER@ AGRESSOR EN ISK VRATSIK ANMEGH GARNUKNER?????

Սերժ Սարգսյանը հեռախոսազրույց է ունեցել Դմիտրի Մեդվեդեւի հետ

Երեկ հեռախոսազրույց է տեղի ունեցել Հայաստանի նախագահ Սերժ Սարգսյանի եւ Ռուսաստանի նախագահ Դմիտրի Մեդվեդեւի միջեւ:

Հայաստանի նախագահի մամլո գրասենյակը փոխանցում է, որ Սերժ Սարգսյանը «իր եւ հայ ժողովրդի անունից ցավակցություն է հայտնել Դմիտրի Մեդվեդեւին վերջին օրերի ընթացքում Հարավային Օսեթիայում տեղի ունեցած ողբերգական իրադարձությունների արդյունքում խաղաղ բնակչության, այդ թվում` Ռուսաստանի քաղաքացիների եւ ռուս խաղաղապահների շրջանում տեղ գտած մեծաթիվ զոհերի կապակցությամբ»:

Հեռախոսազրույցի ընթացքում Դմիտրի Մեդվեդեւը Սերժ Սարգսյանին տեղեկացրել է ստեղծված իրավիճակից դուրս գալուն ուղղված բանակցությունների ընթացքի մասին: Երկու երկրների նախագահները պայմանավորվել են անհրաժեշտության դեպքում անցկացնել լրացուցիչ խորհրդատվություններ հետագա զարգացումների վերաբերյալ: