l'aéroport de Domodedovo et nos compatriotes

http://news.am/arm/news/45665.html

Աճում է հայերի թիվը, ովքեր վիրավորվել են «Դոմոդեդովոյի» ահաբեկչության հետեւանքով




Հունվար 24, 2011 | 22:58

Մոսկվայի «Դոմոդեդովո» միջազգային օդանավակայանում տեղի ունեցած ահաբեկչական պայթյունից վիրավորվածների թվում բացի 42-ամյա Կարեն Միխայիլի Գալուստյանից, կան եւս երկու հայեր. 58-ամյա Յուրի Ալբերտի Վարդանովը եւ 65-ամյա Գուրյան Վարդանի Խաչատուրովը: Ներկայումս NEWS.am-ը ճշտում է մանրամասները:

Հիշեցնենք, որ Մոսկվայի «Դոմոդեդովո» միջազգային օդանավակայանում ահաբեկչական պայթյունի հետուանքով վիրավորված Կարեն Միխայիլի Գալուստյանն, ամենայն հավանականությամբ Ռուսաստանի քաղաքացի է, ում վիճակը գնահատվում է «միջին ծանրության»: 58-ամյա Յուրի Ալբերտի Վարդանովի եւ 65-ամյա Գուրյան Վարդանի Խաչատուրովի քաղաքացիությունը ճշտվում է:

Ինչպես արդեն տեղեկացրել է NEWS.am-ը, Մոսկվայի «Դոմոդեդովո» օդանավակայանի միջազգային տերմինալի ժամանման սրահում, հունվարի 24-ին Երեւանի ժամանակով 17։ 40-ին պայթյուն է որոտացել։ Ներկա պահին հաղորդվում է 35 զոհի եւ 140 վիրավորի մասին։

Պայթյունի կապակցությամբ, քրեական գործ է հարուցվել «ահաբեկչություն» հոդվածով։ Պայթյունի տեղանքում տղամարդու գլուխ է հայտնաբերվել։ Իրավապահները ենթադրում են, որ այն պատկանել է պայթյունն իրականացրած մահապարտին, ով գտնվել է ժամանողներին դիմավորողների խմբում։ Պայթյունը համարժեք է եղել 7 կգ տրոտիլի, պայթուցիկում կտրող-ծակող մետաղական իրեր են եղել։

http://news.am/arm/news/45664.html

Դոմոդեդովո» օդանավակայանում պայթյունից վիրավորված հայի վիճակը միջին ծանրության է


Հունվար 24, 2011 | 23:01

Մոսկվայի «Դոմոդեդովո» միջազգային օդանավակայանում ահաբեկչական պայթյունի հետուանքով վիրավորված Կարեն Միխայիլի Գալուստյանն, ամենայն հավանականությամբ Ռուսաստանի քաղաքացի է: Այս մասին NEWS.am-ի թղթակցի հետ զրույցում նշեց Ռուսաստանում Հայաստանի դեսպանատան մամուլի քարտուղար Գեւորգ Մինասյանը, հավելելով, որ նրա վիճակը գնահատվում է «միջին ծանրության»:

«Կարեն Գալուստյանը տեղափոխվել է Վիդնո քաղաքի հիվանդանոց, սակայն հենց հիմա նան տեղափոխում են Մոսկվա»,- ասաց Մինասյանը, ընդգծելով, որ վիրավորների շարքում այլ հայերի մասին տեղեկություններ դեռ չկան:

Ինչպես արդեն տեղեկացրել է NEWS.am-ը, Մոսկվայի «Դոմոդեդովո» օդանավակայանի միջազգային տերմինալի ժամանման սրահում, հունվարի 24-ին Երեւանի ժամանակով 17։ 40-ին պայթյուն է որոտացել։ Ներկա պահին հաղորդվում է 35 զոհի եւ 140 վիրավորի մասին։

Պայթյունի կապակցությամբ, քրեական գործ է հարուցվել «ահաբեկչություն» հոդվածով։ Պայթյունի տեղանքում տղամարդու գլուխ է հայտնաբերվել։ Իրավապահները ենթադրում են, որ այն պատկանել է պայթյունն իրականացրած մահապարտին, ով գտնվել է ժամանողներին դիմավորողների խմբում։ Պայթյունը համարժեք է եղել 7 կգ տրոտիլի, պայթուցիկում կտրող-ծակող մետաղական իրեր են եղել։